بالله عسي ربي يخليك ليه يالغالية

يالله عسى ربي يخليك ليه
يالغاليه ياللي ف قصيدي تموتين

عز الله إنك يا غلاتي وفيه
لاجيت جيتيني وإن تركتك تروحين

ما اظن أي إنسان يفهم عليه
لكن انتي في كلامي تحسين

يابنت .. يابنت أنا طالبك حني شويه
حني علي أرجوك يابنت تكفين

أصبحت .. أصبحت كأني شخص ماله هويه
ساكن وسط ديره ولاله قريبين

يابنت .. يابنت والله منك ما شفت إلا الأذيه
ما ذقت طعم النوم يابنت يومين

ما عاد أفرق بين صبح وعشيه
الليل من كثر التعب صار ليلين

يابنت .. يابنت من صدق حياتي إنها شقيه
الهم من زود العمى صار همين

يابنت .. يابنت وش ودك تسوين فيه
يابنت قولي وش ودك تسوين

أقسم قسم بالله رب البريه
أكسر عظامي عشان ترضين

أنا على إستعداد أكون الضحيه
أموت في حبك عشان تبقين

أنا حياتي أحسب إنها عطيه
وترى العطايا من صفات الكريمين

وما عطيت جثه يوم كنا خويه
يومك على صوتي وشعري تذوبين

يابنت .. يابنت لاتسوين روحك غبيه
إنت على فرقاي من قلب تبكين

لو أسأل بداخلك أي(ن) خليه
كل الخلايا تقول إنك تحبيني

رجل تحبينه ولا في زيه
خطير وأشعاره تعادل ملايين

يابنت .. يابنت كانت أبيات شعري قويه
خلي شموخ اللي يعز السلاطين

يابنت .. يابنت أنا ما جيت أدور خويه
وما جيت متنازل عن العرق والدين

جيتك أبي تحطين يدك بإيديه
ورى الناس وقدام الناس انتي تقولين

هذا الرجل هو زوجي ولا فيه زيه
ويكفيني إنه حطني داخل العين

رجل وله غيره وعنده حميه
رجل كفو ما جاء يدور على الشين

ادعوا .. ادعوا معي ربي يخليه ليه
لاني أموت بكل ما فيه للحين

وأرجع أقول انت تموتين فيه
لحظه !! بأعلمهم قبل ما تروحين

ما دام إني صادق معك يا بنيه
وغصب عن اللي خلفك في تموتين

الف شكر اخوي المحبوب



وان شاء الله راح اضيفك

والا اقول ما راح اضيفك

لا خلاص بضيفك

خلني افكر

مشكور اخي الغالي على القصيدة الرائعه

لك كل الود والتقدير