اذا بدكون تفرفشو بعد الهم والدراسة مالكون غير تقرو هالقصة
اللي بتفقع من الضحك
بتقول القصة :
فيه ولد طفران (ماعنده ولا ليرة) راح لابوه
وقاله : عطيني 50 ليرة,,بدي اشتري طابة
الاب : حبيبي انقلع منهون موفاضيلك هلق
الولد :الله يوفقك ,الله يخليك ,طيب اذا بدك ساويا 25 ليرة
الاب : ما معي مصاري ,من وين بدي جبلك ,شقلك حالي يعني
طيب اذا بدك روح بيع الديك الملحوش بالديار
الولد : بس هذا مريض وماحدا بيشتريه
الاب : مادخلني ...روح دبر حالك
والله الولد استسلم للأمر الواقع واخذ الديك
أول واحد طلع بخلقتو اكيد أبوه....قاله الولد: تشتري الديك؟
الاب : بتنقلع من وشي ولا قوم ارتكب فيك جريمة؟
الولد : خلاص خلاص لاتنفخ
طلع الولد من البيت ومعه الديك بمحاوله يائسه إنو الديك ينباع عرض الديك على أهل الحاره كلهم ولا واحد فيهم قبل إنه يشتري الديك
قال الولد: ممممممممم, والله مالي إلا فلانه,,عقلها خفيف وأكيد بقدر ألعب عليها بسهوله
فلانه هي كانت وحده متزوجه بس للاسف كانت بتلعب بديلها من ورا زوجها
راح لعندا الولد مشان يبيعا الديك
الولد :اشتري مني الديك الله يوفقك؟
الحرمه: اهلين والله .. تعال قرب شرب عصير
الولد :اي ماني فاضيلك .. خذي مني الديك وخليني روح
الحرمه: تروح لوين ياولد!! انا ماصدقت إني شفت رجال عندي في البيت ...
الولد : ومن اللي قلك إنو انا رجال؟ خذي مني الديك وخلينا أنقلع
شوي ولا الباب بيندق
قامت خافت المرة
وقالت للولد: تعال اتخبا هون بالخزانة ليقوم يطلع زوجي و نروح فيها.
فتحت باب الخزانة لتحط الولد فيها ولا بيطلعلها رفيقا اللي عم تخون زوجها معو ..
المرة:اهلين والله بعمري وحياتي
الرجال: يا هلا فيكي ياعمري...
ما كمل الرجال كلمته إلا والباب يندق
المرة: ولي عآمتي....هذا شكله زوجي......تعال
وفوت انت التاني بالخزانة
فات اخونا بالخزانة وفجاه بعز الظلام بيسمع صوت عم يحاكيه بقلب الخزانة
ويقوله: تشتري الديك؟
الرجال:هصصصصصصصصصصصص.......سكووت يرحم امواتك بلا ما هلق تبلينا
الولد : عم قول تشتري الديك؟
الرجال: ياحبيبي خلص بشتري الديك بس كتمو لحسك كرمال الله...
الولد : طيب
الرجال:قديش بدك حقو؟
الولد : ب500 ليرة
الرجال: شووووووووو!! هالديك المنتوف المريض ب 500ليرة؟
الولد : بدك تشتري ولا ارفع صوتي؟
الرجال: لا لا خلص.....بشتري وأمري لله
قعدو 5 دقايق
الولد : تبيع الديك؟
الرجال: اي هلق بعتلياه ياابن الحلال!!
الولد : تبيعلياه ولا ارفع صوتي؟
الرجال: لا لا خلص....ببيعه وأمري لله....بقديش بتشتريه؟
الولد :بعشر ليرات
الرجال: شو!! بعشرة!!!! انا مشتريه منك ب 500 وانت تشتريه مني ب10
الولد : تبيعه ولا ارفع صوتي؟
الرجال: لا لا خلص....ببيعه وأمري لله
قعدو 5 دقيق
الولد: تشتري الديك؟
الرجال: ياعيوني هلق اشتريتو منك!
الولد :بدك تشتري ولا ارفع صوتي؟
الرجال: لا لا خلص....بشتري وأمري لله.....بقديش تبيعه؟
الولد : ب1000 ليرة
الرجال: يخرب بيتك الهي ......هلق اشتريتو منك ب 500 ليرة!
الولد :بدك تشتري ولا ارفع صوتي؟
الرجال: لا لا خلص....بشتري وأمري لله
فعدو 5 دقايق
الولد :تبيع الديك؟
الرجال: انا لله وإإنا إليه راجعون.....بقديش تشتريه؟
الولد : ب 10 ليرات
الرجال: شو بدك ياني قول!! بدكياني ابكي ولا شق حالي ولا انجلط .... يالله خود الديك وببلاش
بعد ما اخد الولد الديك ما بيلاقو الا المرة فاتحه باب الخزانة
وقالتلهم: يالله بسرعه فركوها مادام زوجي بالحمام..بس واحد ورا الثاني وشوي شوي مشان مايحس فيكم زوجي
طلع الرجال وفركا ولحقه الولد بعده ب5 دقايق المهم...قام الولد
يتمشى في الشارع وهو مبسوط واخر رواق لإنو صار معو مصاري .. بعدين راح
للبيت ولما فات البيت شاف ابوه قدامه .. راح قال
لابوه: تشتري الديك؟
الأب اتطلع فيه وكانو الشيطين عم تنطنط حوليه وراكبو مية عفريت
وقاله: ماكفوك الـ 1500 ليرة يا ابن (...) اللي لطشتها مني بالخزانة؟؟؟؟؟؟؟؟
ان شاء الله تعجبكم
13 - 06 - 2008, 17:50
قصة بتفقع من الضحك 
