موقع ميجا أبلود


تقديراً لجهود العضو يتوجب الرد لتتمكن من رؤية المحتوى.... وشكرا لتواجدكم الطيب


ازاي تنزل منه ملف معين بصرف النظر عن نوع الملف ده


الأول لو انتا مش مسطب التول بار بتاعه (megaupload toolbar)
يبقى لازم تنزله وتسطبه هتنزله منين بقى (بص على الصورة)





والتسطيب هيكون زي أي برنامج بس لاحظ ان التول بار وقت تسطيبه لازم يقفل كل صفحات النت اللى انتا فاتحها علشان ما تسطبهوش لو انتا بتنزل حاجة هيقفلها


ثانيا هترجع لرابط الملف اللى انتا عايز تنزله من تانى وتضغط عليه هيفتحلك صفحة تكتب فيها شفرة وبعدين تضغط داون لود (download) ولازم تكون الشفرة صحيحة


زي ما فى الصورة





ثالثا هيجيبلك جدول فيه بريميوم (premium) وفري (free)
يعنى حساب بفلوس وحساب مجانى


طبعا انتا هتروح على المجانى هتلاقى فى آخره وقت شغال بيقولك فيه انتظر 50 ثانيه والوقت فى النازل


زي ما فى الصورة فا هتستنى لما الوقت يخلص





رابعا لما الوقت يخلص هيكتبلك مكان الوقت (Free Download) هتضغط عليها علشان تنزل الملف اللى انتا عايزه


زي ما فى الصورة





خامسا بقى هيجيلك مربع التحميل هتضغط على حفظ اللى هيا (Save) وتحدد مكان حفظ الملف على جهازك وتسيبه يحمل مع نفسه


زي ما فى الصورة دى







ملحوظة أخيره من المشرف العام Freedom


لو انتا سطبت التولبار اول مره خلاص هوا مش هيطلب منك تنزله تانى لما تيجى تحمل ملف تانى من على الموقع


غير بقى لا قدر الله لو غيرت ويندوز الجهاز او لغيت تسطيب البرنامج من على جهازك


ــــــــــــــــــــــــــــــــــــــــــــــــــ ــ



وملحوظة تانيه بس دى منى ليكم وانتو أكيد هتفهموها


موقع ميجا أبلود الحساب المجانى فيه مش بيحمل على طول
بمعنى لو انتا لسه منزل جزء من فيلم مساحته 100 ميجا تستنى بعدها تقريبا تلات ساعات علشان تنزل ملف تانى من موقع ميجا أبلود سواء صوت او صورة او ملف مضغوط


انما لو انتا لسه محمل اغنية تستنى تقريبا 5 دقايق علشان تنزل حاجة تانيه منه


وكل ملف وليه حجمه ووقت الانتظار بعده